Italiyaning "Yuventus" klubi bosh murabbiyi Andrea Pirlo A Seriyaning 10-tur doirasida "Torino" ustidan qozonilgan g‘alaba (2: 1) haqida fikr bildirdi.
"Bunday o‘yinlarda o‘yinchi sifatida charchaysan, lekin murabbiy sifatida boshqacharoq, ammo g‘alaba hissi bir xil. Agar barcha yakkakurashlarda yutqazsangiz, o‘yinni boshqarish qiyin bo‘ladi. Biz juda kam harakat qildik, raqib jarima maydonchasida kam ko‘rinish berdik. Tanaffusdan keyin "Yuventus"ning DNKsi - bu yurak va fidoyilik ekanligini esladik. Hamma ham har doim 100 foiz bor kuchi bilan harakat qila olmaydi. Ammo maydonda to‘p surgan futbochilarim qat’iyat va hujumkor ruhni namoyish etishdi, bu bizga g‘alaba keltirdi ", - dedi Pirlo.
