Bugun Shveysariyada Yevropa terma jamoalari uchun JCH-2022 saralash bosqichi uchun qur’a tashlash marosimi bo‘lib o‘tadi.
Terma jamoalari besh yoki oltitadan 10 ta guruhga bo‘linadi, har bir guruhning har bir savatchasida bittadan vakil bo‘ladi. Millatlar Ligasi-2021 final bosqichi ishtirokchilari (Belgiya, Ispaniya, Italiya, Fransiya terma jamoalari) beshtadan terma jamoa joy olgan guruhga joylashadi. Qur’a tashlash marosimi Toshkent vaqti bilan soat 22:00 da boshlanadi.
Birinchi savat: Belgiya, Fransiya, Angliya, Portugaliya, Ispaniya, Italiya, Xorvatiya, Daniya, Germaniya, Niderlandiya.
Ikkinchi savat: Shveysariya, Uels, Polsha, Shvesiya, Avstriya, Ukraina, Serbiya, Turkiya, Slovakiya, Ruminiya.
Uchinchi savat: Rossiya, Vengriya, Irlandiya, Chexiya, Norvegiya, Shimoliy Irlandiya, Islandiya, Shotlandiya, Gresiya, Finlyandiya.
To‘rtinchi savat: Bosniya va Gersegovina, Sloveniya, Chernogoriya, Shimoliy Makedoniya, Albaniya, Bolgariya, Isroil, Belarusiya, Gruziya, Lyuksemburg.
Beshinchi savat: Armaniston, Kipr, Farer orollari, Ozarbayjon, Estoniya, Kosovo, Qozog‘iston, Litva, Latviya, Andorra.
Oltinchi savat: Malta, Moldova, Lixtenshteyn, Gibraltar, San-Marino.
Bir nechta terma jamoasi ma’lum sabablarga ko‘ra bir guruhdan joy olmaydi:
Siyosiy tarafdan:
Ozarbayjon va Armaniston;
Gibraltar va Ispaniya
Kosovo hamda Bosniya va Gersegovina
Kosovo va Rossiya
Kosovo va Serbiya
Rossiya va Ukraina.
Iqlim jihatdan (bir guruhda qishi haddan tashqari sovuq bo‘ladigan 2tadan ortiq mamlakat terma jamoasi o‘rin olishi mumkin emas):
Belarus, Estoniya, Farer orollari, Finlyandiya, Islandiya, Latviya, Litva, Norvegiya, Rossiya, Ukraina (Farer orollari va Islandiya noyabr va mart oylari uy o‘yinlarini o‘tkazishmaydi).
Tashkiliy jihatdan (bir-biridan olisda joylashgan mamlakatlar):
Ozarboyjon: Islandiya, Gibraltar, Portugaliya bilan bir guruhga tushmaydi;
Islandiya: Armaniston, Kipr, Gruziya, Isroil;
Qozog‘iston: Andorra, Angliya, Farer orollari, Fransiya, Gibraltar, Islandiya, Malta, Shimoliy Irlandiyey, Portugaliya, Irlandiya, Shotlandiya, Ispaniya, Uels.
Nechta jamoa chiqadi?
Guruh g‘oliblari avtomatik tarzda JCH yo‘llanmasini qo‘lga kiritishadi. Ikkinchi o‘rinni egallagan terma jamoalar esa pley-off bosqichi orqali Mundial yo‘llanmasi uchun kurash olib borishadi. Ikkinchi o‘rin bilan pley-offga chiqqan 10ta terma jamoa safiga UYEFA millatlar ligasi yaxshi natijaga ega bo‘lgan 2ta jamoa qo‘shiladi. Ikki bosqichli pley-off orqali JCHga chiqqan 3ta terma jamoa nomi aniq bo‘ladi. Yevropadan jami 13ta jamoa Qatar-2022ga yo‘l oladi.
O‘yinlar o‘tkaziladigan kunlar
Saralash bosqichini 2021 yilning noyabr oyiga qadar yakunlash maqsadida UYEFA mart va sentyabr oyidagi FIFA kunlarida 3tadan o‘yin o‘tkazishga qaror qildi. Avval bu kunlarda 2ta o‘yin belgilash rejalashtirilgan edi.
Guruh bosqichi o‘yinlari taqvimi:
1-tur: 2021 yil 24-25 mart
2-tur: 2021 yil 27-28 mart
3-tur: 2021 yil 30-31 mart
4-tur: 2021 yil 1-2 sentyabr
5-tur: 2021 yil 4-5 sentyabr
6-tur: 2021 yil 7-8 sentyabr
7-tur: 2021 yil 8-9 oktyabr
8-tur: 2021 yil 11-12 oktyabr
9-tur: 2021 yil 11-13 noyabr
10-tur: 2021 yil 14-16 noyabr
Pley-off bosqichi o‘yinlari
Yarim finallar: 2022 yil 24-25 mart
Final: 2022 yil 28-29 mart
