Бугун Швейцарияда Европа терма жамоалари учун ЖЧ-2022 саралаш босқичи учун қуръа ташлаш маросими бўлиб ўтади.
Терма жамоалари беш ёки олтитадан 10 та гуруҳга бўлинади, ҳар бир гуруҳнинг ҳар бир саватчасида биттадан вакил бўлади. Миллатлар Лигаси-2021 финал босқичи иштирокчилари (Бельгия, Испания, Италия, Франция терма жамоалари) бештадан терма жамоа жой олган гуруҳга жойлашади. Қуръа ташлаш маросими Тошкент вақти билан соат 22:00 да бошланади.
Биринчи сават: Бельгия, Франция, Англия, Португалия, Испания, Италия, Хорватия, Дания, Германия, Нидерландия.
Иккинчи сават: Швейцария, Уэльс, Польша, Швеция, Австрия, Украина, Сербия, Туркия, Словакия, Руминия.
Учинчи сават: Россия, Венгрия, Ирландия, Чехия, Норвегия, Шимолий Ирландия, Исландия, Шотландия, Греция, Финляндия.
Тўртинчи сават: Босния ва Герцеговина, Словения, Черногория, Шимолий Македония, Албания, Болгария, Исроил, Беларусия, Грузия, Люксембург.
Бешинчи сават: Арманистон, Кипр, Фарер ороллари, Озарбайжон, Эстония, Косово, Қозоғистон, Литва, Латвия, Андорра.
Олтинчи сават: Мальта, Молдова, Лихтенштейн, Гибралтар, Сан-Марино.
Бир нечта терма жамоаси маълум сабабларга кўра бир гуруҳдан жой олмайди:
Сиёсий тарафдан:
Озарбайжон ва Арманистон;
Гибралтар ва Испания
Косово ҳамда Босния ва Герцеговина
Косово ва Россия
Косово ва Сербия
Россия ва Украина.
Иқлим жиҳатдан (бир гуруҳда қиши ҳаддан ташқари совуқ бўладиган 2тадан ортиқ мамлакат терма жамоаси ўрин олиши мумкин эмас):
Беларусь, Эстония, Фарер ороллари, Финляндия, Исландия, Латвия, Литва, Норвегия, Россия, Украина (Фарер ороллари ва Исландия ноябрь ва март ойлари уй ўйинларини ўтказишмайди).
Ташкилий жиҳатдан (бир-биридан олисда жойлашган мамлакатлар):
Озарбойжон: Исландия, Гибралтар, Португалия билан бир гуруҳга тушмайди;
Исландия: Арманистон, Кипр, Грузия, Исроил;
Қозоғистон: Андорра, Англия, Фарер ороллари, Франция, Гибралтар, Исландия, Мальта, Шимолий Ирландией, Португалия, Ирландия, Шотландия, Испания, Уэльс.
Нечта жамоа чиқади?
Гуруҳ ғолиблари автоматик тарзда ЖЧ йўлланмасини қўлга киритишади. Иккинчи ўринни эгаллаган терма жамоалар эса плей-офф босқичи орқали Мундиал йўлланмаси учун кураш олиб боришади. Иккинчи ўрин билан плей-оффга чиққан 10та терма жамоа сафига УЕФА миллатлар лигаси яхши натижага эга бўлган 2та жамоа қўшилади. Икки босқичли плей-офф орқали ЖЧга чиққан 3та терма жамоа номи аниқ бўлади. Европадан жами 13та жамоа Қатар-2022га йўл олади.
Ўйинлар ўтказиладиган кунлар
Саралаш босқичини 2021 йилнинг ноябрь ойига қадар якунлаш мақсадида УЕФА март ва сентябрь ойидаги ФИФА кунларида 3тадан ўйин ўтказишга қарор қилди. Аввал бу кунларда 2та ўйин белгилаш режалаштирилган эди.
Гуруҳ босқичи ўйинлари тақвими:
1-тур: 2021 йил 24-25 март
2-тур: 2021 йил 27-28 март
3-тур: 2021 йил 30-31 март
4-тур: 2021 йил 1-2 сентябрь
5-тур: 2021 йил 4-5 сентябрь
6-тур: 2021 йил 7-8 сентябрь
7-тур: 2021 йил 8-9 октябрь
8-тур: 2021 йил 11-12 октябрь
9-тур: 2021 йил 11-13 ноябрь
10-тур: 2021 йил 14-16 ноябрь
Плей-офф босқичи ўйинлари
Ярим финаллар: 2022 йил 24-25 март
Финал: 2022 йил 28-29 март
