Ushbu ruknimizdagi tarixiy suratlar bilan tanishtirishda davom etamiz.
1874 yil. FRG va GDR JCHda to‘qnash kelmoqda. 
1972 yil. Gerd Myuller Yevropa chempionligi uchun beriladigan kubokni o‘zgacha silab qo‘ymoqda. 
2000 yildagi Yevropa chempionati. Raul hozirgina 11 metrlik penaltini havoga uchirdi va Ispaniyaning imkoniyatlarini pasaytirib yubordi. Yaxshiyamki, ushbu noaniq zarba yakunda Raulni sinib qolishi bilan yakunlanmadi.
Zeeydorga Vinni tomonidan berilgan zarba o‘zbek muxlislariga hech narsani eslatib yubormayaptimi? Yaqinda «Neftchi» klubi futbolchisi shu uslubda hakamga zarba bergan edi. Katta ehtimol bilan farg‘onalik futbolchi Vinni Jonsning muxlisi. 
Jorj Best «Vetchs Filds» jamoasiga qarshi bahsda burchak to‘pini zo‘rg‘a amalga oshirmoqda
1990 yil. «Nant» himoyachisi Desayi «Brest» a’zosi David Jinolani keskin kutib olmoqda.
2002 yil. Hozirgina Ballak Janubiy Koreya darvozasini ishg‘ol qildi va Germaniyani JCH 2002 finaliga olib chiqdi. Afsuski, bundan 3 daqiqa u sariq kartochka olgan edi. Oqibatda, finalni o‘tkazib yuboradi. 
Ba’zan oq-qora ranglarda ming xil hissiyotni his qilish mumkin. 1978 yilgi JCH finali. Argentina Gollandiyaga qarshi maydonga chiqqan. Final juda asabiy o‘tgan, biroq Kempesning ikkita goli Argentinani mundial oltin medallariga ega chiqishini ta’minlab bergan edi. 
Garet Beyl Uels terma jamoasini tanlaganida, Angliya futbol rahbarlari sira afsus chekishmagan edi. Oradan yillar o‘tib, ular qattiq afsus chekishgan bo‘lsa, ajab emas. 
Zidan va Anri! Ular uchun «Yuventus» juda katta pul to‘lagan, ammo yakunda bu yigitlar umuman boshqa jamoalarning super yulduziga aylanishgan. 
«Milan»da hech qachon hujumchilar borasida muammo bo‘lmagan. Ular orasida «oltin to‘p» egalarining bo‘lishi esa, odatiy holat. Bu yigitlarning ikkisida ham shu sovrin mavjud va ular «Milan»ning shonli o‘tmishning bir bo‘lagi sifatida yodimizda abadiy qoladi. 
Renat Dasayev Van Bastenning finalda urgan golini uzoq yillar davomida tushlarida ko‘rib chiqqan bo‘lsa, ajab emas. 
1989 yil. «Dinamo Zagreb» safida hali hech kimga yaxshi tanish bo‘lmagan Davor Shuker to‘p surmoqda.
