Konte YECHL guruh bosqichida so‘nggi o‘rinda qolib ketib, UEFA pley-offlarining hech biriga yo‘llanmani qo‘lga kirita olmadi va bu Italiyadagi OAVlarning bosh mavzusiga aylanmoqda. Deyarli ko‘pchilikning fikricha ushbu muvaffaqiyatsizlikda bosh murabbiy asosiy aybdor sifatida ko‘rilmoqda.

«La Gazette dello Sport» muxbirlarining aytishicha, italiyalik mutaxassis har ikki bahsda ham jiddiy taktik xatoliklarga yo‘l qo‘ygan. Ayniqsa, kechagi uchrashuvda u ertaroq zaxira o‘zgarishlariga qo‘l urishi keak edi.

«Tuttosport» va «Corrierra dello Sport» nashrlarining yozishicha, Konteda futbolchilarni ruhiy tayyorlash borasida yetarli ko‘nikma shakllanmagan. «Neradzurrilar» A Seriyadagi shiddatkor o‘yinlarini xalqaro maydonda takrorlashda negadir oqsashmoqda. Buni matbuot Lukaku va Galyardini kabi yetakchilarning uchrashuv so‘nggida eng kam ball olganliklari bilan isbotlashmoqda.

Konte va uning shogirdlari 6 ta o‘yindan atigi bittasida g‘alaba qozonishgan.