O‘zbekiston kubogi chorak final doirasidan o‘rin olgan “Mash’al” – “Qo‘qon-1912” uchrashuvi ertaga Muborak shahrida bo‘lib o‘tadi. Mazkur bahs oldidan ushbu jamoalarning o‘zaro o‘yinlardagi statistik ma’lumotlari bilan tanishtirib o‘tamiz.
O‘zaro o‘yinlar
Bu jamoalar shu paytga qadar chempionat doirasida 14 marta to‘qnash kelishgan.
“Mash’al” o‘yinlarning 7 tasida zafar quchgan, 4 ta bahsda vakillarimiz qo‘li baland kelgan. 3 ta uchrashuvda durang natija qayd etilgan.
To‘plar nisbati – 23-15, “Mash’al” foydasiga. O‘zaro o‘yinlarda “Mash’al” 24 ochkoni qo‘lga kiritgan. “Qo‘qon-1912” ochkosi 15 tani tashkil etadi.
Muborakda o‘tgan barcha uchrashuvlar:
22.10.2020 «Mash’al» – «Qo‘qon-1912» 1:2
14.04.2017 «Mash’al» – «Qo‘qon-1912» 1:1
26.06.2016 «Mash’al» – «Qo‘qon-1912» 2:0
25.04.2015 «Mash’al» – «Qo‘qon-1912» 3:0
20.09.2003 «Mash’al» – «Qo‘qon-1912» 3:2
02.11.2002 «Mash’al» – «Qo‘qon-1912» 2:0
15.04.1995 «Mash’al» – «Qo‘qon-1912» 2:0
Qiziq statistika
O‘zbekiston kubogi bahslari tarixiga nazar solsangiz qiziq bir statitstika guvohiga aylanasiz. Kubok bellashuvlarida finalga qadar borgan jamoalar soni unchalik ko‘p emas. Ular orasida “Qo‘qon-1912” va “Mash’al” jamoalarning ham borligini e’tirof etish joiz. Jamoamiz 1992 yilda birinchi kubok musobaqasida finalga qadar yetib borgan va hal qiluvchi o‘yinda “Navbahor”ga penaltilar seriyasida mag‘lub bo‘lgan. Muborakliklar esa 2006 yilda finalda “Paxtakor”ga yutqazib qo‘yishgan.
Hakamlar
Superliga O‘zbekiston kubogi
Chorak final
12 dekabr
MASH’AL – QO‘QON-1912
Hakamlar: Elyor Tursunov, Daler Tilloyev, Baxtiyorxo‘ja Shavkatov, Ilya Ilin
Nazoratchi: Dmitriy Roman
Komissar: Aleksandr Davidenko
Boshlanish vaqtlari
“Mash’al” - "Qo‘qon-1912" uchrashuvi, ertaga Muborak shahridagi “B. Vafoyev” o‘yingohida, soat 13:00 da start oladi. Ushbu bahsda vakillarimizga omad tilab qolamiz.
