Londonning «Tottenxem» klubi bosh murabbiyi Joze Mourinyo «Kristal Pelas» (1:1) klubiga qarshi bo‘lib o‘tgan o‘yindan so‘ng, Ugo Lyorisni APLning eng yaxshi darvozaboni deb atadi.
«Mening darvozabonim – Angliya Premyer-ligasidagi eng yaxshi posbon.
Beylning sog‘ligi? U biroz betob, lekin u koronavirusga chalinmagan», - Mourinyoning so‘zlaridan iqtibos keltirmoqda BBC.
33 yoshli Lyoris «Tottenxem» safida 2012 yildan beri o‘ynab kelmoqda. Joriy mavsum fransiyalik darvozabon «shporlar»ning barcha turnirlardagi 15 ta uchrashuvida maydonga tushdi va o‘z darvozasidan 11 ta gol o‘tkazib yubordi.
