«Liverpul» ustozi Yurgen Klopp «Tottenhem»ga qarshi kechgan bahsda «shporlar» a’zosi Son Xyon Minning goli qoida bo‘yicha xato inobatga olinganini ta’kidlamoqda.

«Sonning oyog‘i qanchadir santimetr bo‘lsa ham chiqib turgan edi. Men buni yuz foiz ko‘rib turgandim. Yaqinroq edim. Lekin professional hakamlar ofsaydni payqashmadi. Ular 20 martalab ko‘rishdi, lekin buning bizga nima foydasi bor», - deydi mutaxassis.

Eslatib o‘tamiz, Sonning hisobni tenglashtiruvchi golidan so‘ng «qizillar» baribir uchrashuvda g‘albani ilib ketishdi.