Reuters axborot agentligining tarqatgan ma’lumotiga qaraganda, Argentina sudi afsonaviy futbolchi Diyego Maradonaning DNKsi otalik ishida kerak bo‘lsa, uning jasadini saqlab qolish to‘g‘risida qaror chiqardi.
Gap shundaki, Maradonaning o‘limidan so‘ng uning qarindoshlari va do‘stlari millionlab dollarlik meros uchun kurashishni boshladilar. Futbolchi o‘z ortida faqat 5 nafar rasmiy tan olingan bolalarini qoldirgan, ammo uning boshqa taxmin qilingan avlodlari allaqachon paydo bo‘lgan.
Xususan, 25 yoshli Magali Gil o‘zini Maradonaning qizi deb da’vo qilmoqda. U argentinalik DNK namunalarini o‘rganish uchun sudga murojaat qildi. Avvalroq Maradonaning advokati uning DNK namunalari olinganligini aytganiga qaramay, sud futbolchining jasadini yaqin kelajakda yoqib yubormaslik to‘g‘risida qaror chiqardi.
