"Barcelona" hujumchisi Lionel Messi faoliyati davomida yettinchi marta Ispaniya chempionatining eng yaxshi to‘purari bo‘ldi. Argentinalik o‘z jamoasidan sakkizinchi sovrin uchun kurashdan ko‘ra, ko‘proq taraqqiyot kutayotganini ta’kidladi.

- Men bu haqda umuman o‘ylamayman (yangi sovrin haqida - tahririyat). Men o‘tgan mavsum La Ligada g‘alaba qozonishni afzal ko‘rardim, buning uchun kurashishimiz kerak. Biz har doimgidek har bir uchrashuvda g‘alaba qozonishga harakat qilamiz. Men bosqichma-bosqich taraqqiyotni ko‘ryapman. Ha, haqiqatan ham biz ushbu mavsumga shiddat bilan kirib kelmadik va shuncha ochko yo‘qotmasligimiz kerak edi, - dedi Messi Marca bilan suhbatda.

- Menimcha, "Alaves" va "Xetafe" ga qarshi uchrashuvlarda, shuningdek, "Kamp Nou"da "Real"ga qarshi o‘yinlarda ko‘prog‘iga loyiq edik. Keyin biz ko‘plab imkoniyatlarni yaratdik va agar ularning barchasidan foydalanganimizda, o‘sha uchrashuvlarning borishi o‘zgargan bo‘lar edi, - deya qo‘shimcha qildi Messi.