Turinning «Yuventus» klubi hujumchisi Krishtianu Ronaldu A Seriya doirasida«Fiorentina» (0:3) klubidan qabul qilib olingan mag‘lubiyat haqidagi fikrlari bilan o‘rtoqlashdi.
«Kecha juda yomon namoyish etdik va yakunda yomon natija qayd etildi. Bu har tomonlama o‘ziga xos yil bo‘ldi. Bo‘sh stadionlar, COVID protokollari, o‘yinlarning ko‘chirilishi, mavsumning barbod bo‘lishi va zich taqvim. Lekin bular bizni oqlamaydi, g‘alaba qozonish uchun ko‘proq kuch sarf qilishimiz kerakligini bilamiz. Biz – «Yuventus»miz! Maydondagi ustunligimizni namoyish etishimiz kerak xolos! Umid qilamanki, qisqa tanaffus bizni yanada kuchli va birdam bo‘lishimizga yordam beradi. Tez orada muxlislarimiz bilan uchrashamiz deb umid qilamid. Bizlarga ishoninglar!» - deb post qoldirdi Ronaldu o‘zining «Instagram»dagi rasmiy sahifasida.
