Angliyaning «Manchester Yunayted» klubi «Atletiko» himoyachisi Kiran Trippyer bilan shartnoma imzolamoqchi.

Tomonlar ushbu transferni amalga oshirish uchun dastlabki muzokaralarni olib bordi. Angliya matbuotining yozishicha, ushbu transfer katta ehtimol bilan yanvar oyida amalga oshadi.

Qayd etilishicha, Trippyerning o‘zi APLga qaytishga qarshi emas. Avvalroq futbolchi «Tottenxem» klubida to‘p surgan. Transfermarkt portali angliyalik futbolchining transfer narxini 20 million yevro atrofida baholamoqda.

Eslatib o‘tamiz, Trippyer yaqinda 12 ta o‘yinga diskvalifikasiya qilingandi.