Kataloniyaning "Barselona" klubi sobiq bosh murabbiyi Kike Setyen jamoadan ketganidan keyingi hayoti qanday kechayotgani haqida fikr bildirdi.
"Agar siz men qilgan hamma narsadan o‘zingizni mavhumlashtira olsangiz - siz tinchgina yashashingiz mumkin.
"Barselona"dan iste’foga chiqqanimdan keyin telefon raqamimni o‘zgartirdim. Meni haligacha ko‘chada to‘xtatishib, intervyu berishimni so‘rashadi, lekin men o‘zligimda qolishga harakat qilaman.
Statistika shuni ko‘rsayaptiki, biz boshidanoq ko‘plab jihatlarni yaxshilashga erishdik. Raqib maydonining yarmida yakkakurashlarda biz g‘olib bo‘ldik, ko‘proq to‘pga egalik qildik, ko‘proq uzatmalarni amalga oshirdik. Bularning barchasi – ob’ektiv statistika", – dedi Setyen Marca bilan suhbatda.
