Ispaniya La Ligasining 16-turida "Granada" o‘z maydonida "Valensiya" klubini qabul qildi.
Keskin kurashlarga boy bo‘lgan, shu bilan birga o‘ta asabiy kurashlarga boy bo‘lgan uchrashuvda maydon egalari so‘nggi daqiqada gol kiritib, muhim uch ochkoni qo‘lga kiritdi.
Avvaliga Gameyro mehmonlarning uchrashuvning 36-daqiqasida oldinga olib chiqdi. Birinchi bo‘lim yakunlanib borayotgan pallada Kennedi muvozanatni tikladi. Ikkinchi taymning oxirgi daqiqalari o‘tib borayotgan paytda esa Molina jamoasining g‘alaba to‘pini kiritdi.
Shuningdek, uchrashuvni boshqarib borgan bosh hakam "Granada"ning bir, "Valensiya"ning esa ikki nafar futbolchisiga qizil kartochka ko‘rsatdi.
"Granada" – "Valensiya" 2:1
30.12.2020 yil, 21.00, «Nuevo Los Karmenes»
Gollar: 0:1 – 36 Gameyro, 1:1 – 45 Kenedi, 2:1 – 88 Molina.
"Granada" – Ruy Silva, Neva, Duarte, Xerman Sanches, Fulkye (Kini, 73), Puertas (Soro, 73), Gonalon, Kenedi, Errera, Soldado (Molina, 68), Suares (Valyexo, 89).
"Valensiya" – Domenek, Diakabi, Gayya, Mangalya, Vass, Eskerdo (Kuandredi, 87), Cherishev (Musa, 76), Djeyson, Soler, Gedesh, Gameyro (Valyexo, 66).
Ogohlantirishlar: Djeyson (9), Fulkye (16), Vass (33), Errera (40), Mangalya (48), Puertas (72).
Chetlatishlar: Djeyson (70), Gedesh (73), Duarte (76).
