14 yanvar kuni "Sherlar" ta’tildan qaytishadi.
14 yanvar kuni asosiy tarkib o‘yinchilari tibbiy tekshiruvdan o‘tishadi va 15 yanvar sanasidan mashg‘ulotlar boshlanishi belgilangan. 21 yanvardan 5 fevralga qadar BAAning Dubay amirligida yig‘in o‘tkazish rejalashtirilgan. Yig‘in davomida uchta nazorat bahsi tashkil etiladi. O‘yinlar Rossiyaning nomdor klublari "Zenit" va "Spartak", shuningdek, Latviyaning "Riga" jamoasiga qarshi o‘tkaziladi. Bellashuvlar mos ravishda 24 va 30 yanvar, 3 fevral kunlari bo‘lib o‘tadi. "Zenit" bilan bahs "Nad Al Sheba", keyingi ikki uchrashuv esa "Jebel Ali" majmuasi maydonida o‘tkaziladi. O‘yinlar Toshkent vaqtida keltirilgan.
Yig‘in mobaynida jamoamiz Dubaydagi "Grand Xayatt" mehmonxonasida istiqomat qilishi mo‘ljallangan.
24 yanvar, 12:00, "Nad Al Sheba"
"Paxtakor" - "Zenit" (Sankt-Peterburg)
30 yanvar, 17:00, "Jebel Ali"
"Paxtakor" - "Spartak" (Moskva)
3 fevral, 17:00, "Jebel Ali"
"Paxtakor" - "Riga" (Latviya)
