Angliyaning «Manchester Siti» klubi bosh murabbiyi Pep Gvardiola Serxio Aguero nima uchun Angliya Kubogi doirasida «Birmingem» (3:0) klubiga qarshi o‘yinda maydonga tushmaganini tushuntirib berdi.

«Afsuski, u koronavirus uchun topshirgan test natijasi musbat chiqqan inson bilan tez-tez muloqotda bo‘lib turgan. Endi u bir necha kun mobaynida izolyasiyada bo‘lishi kerak.

Men va boshqalar Serxio kabi so‘nggi 10-15 kun mobaynida 6 marta testi topshirdik va barcha natijalar manfiy chiqdi. Bugun ham shunday bo‘ldi. Ammo, xavfsizlik protokoliga shunday: ba’zida o‘ynashingiz mumkin, ba’zida esa izolyasiyaga olinishingiz mumkin. Shu sababli bugun u maydonga tusha olmadi», – dedi Gvardiola.