Milanliklar ustozi Stefano Pioli Italiya kubogi chorak finali doirasidagi «Torino»ga qarshi bahsda qozonilgan g‘alaba haqida (0:0, 5:4 P) o‘z fikrlari bilan o‘rtoqlashdi.
«Men o‘yinimizdan to‘liq qoniqish hosil qildim. Bu bizning 9 kun ichidagi 4-ushrashuvimiz edi. To‘g‘ri, maydonda 90 daqiqadan ko‘proq harakat qildik. Biroq, yakunda butun jamoa xarakter ko‘rsatdi.
Shunaqa vaziyatlarda futbolchilarning klassi o‘z so‘zini aytadi. Beshta penaltining barchasini aniq amalga oshirish uchun katta jasorat kerak.
Bundan so‘ng bizni rosmana qiyin bahslar kutib turibdi. O‘z kuchimizga ishonsak bo‘lgani», - deydi Pioli.
Eslatib o‘tamiz, «Milan» A Seriyada 17-turdan so‘ng peshqadam bo‘lib turibdi.
