«Barselona» bosh murabbiyi Ronald Kuman «Atletik Bilbao» ga qarshi Ispaniya Superkubogi uchun final o‘yini oldidan jarohat olgan kataloniyaliklar azosi Lionel Messining holati haqida gapirdi.
"Kecha Messi individual tarzda mashg‘ulot o‘tkazgan bo‘lsa, bugun umumiy guruhga qo‘shildi. Umid qilamanki, u o‘ynay oladi. Chunki Leo bilan maydonda yanada kuchli bo‘lamiz. Ammo, biz u bo‘lmasa ham eng yaxshi o‘yinimizni namoyish etishga harakat qilamiz. Leo yuz foiz tayyor bo‘lishi kerak chunki bu, mavsumdagi eng so‘nggi o‘yinimiz emas" - dedi "Barsa" bosh murabbiyi.
Ma’lumot uchun argentinalik yulduz, joriy mavsum barcha turnirlarda, 21 o‘yinda maydonga tushib, 14 gol va 6 assist amalga oshirgan.
