O‘zbekiston futbol assosiasiyasi birinchi-vise prezidenti Ravshan Ermatov, MOQ bosh kotibi Oybek Kasimov, shuningdek, bir qator mutasaddi va mutaxassislar Namangan viloyatiga tashrif buyurishdi.

Safar davomida hududlarda futbol bilan muntazam shug‘ullanish, sog‘lom turmush tarzi hamda sportni aholi o‘rtasida keng tatbiq etish hamda futbol ommaviyligini oshirish bo‘yicha amalga oshirilayotgan ishlar bilan tanishildi.

Mutaxassislar Namangan shahri, To‘raqo‘rg‘on, Chust, Pop, Kosonsoy, Uychi va boshqa tumanlarda sportga va xususan, futbolga yaratilgan sharoitlar bilan yaqindan tanishdilar. Yosh futbol tarbiyalanuvchilarining mashg‘ulot jarayonini kuzatish barobarida, joylarda bolalar-o‘smirlar futboliga bo‘lgan e’tibor hamda imkoniyatlar ko‘zdan kechirishdi. Infratuzilmaning talab darajasiga mos kelishi borasida takliflar bildirildi.

Ravshan Ermatov Namangan viloyat hokimi, viloyat futbol assosiasiyasi prezidenti Shavkat Abdurazzaqovga viloyatda futbolni rivojlantirishda amalga oshirayotgan ishlari uchun O‘FAning tashakkurnomasi va esdalik sovg‘alarini topshirdi.

Shuningdek, viloyat futbol assosiasiyasi moddiy texnik bazasini yaxshilash va uning faoliyatini OAVda keng yoritilishini ta’minlash maqsadida, O‘FA tomonidan texnik jihozlar va zarur o‘quv qo‘llanmalar taqdim etildi.