«Liverpul» bosh murabbiyi Yurgen Klopp «Byornli»ga qarshi o‘yin arafasida matbuot anjumanida ishtirok etib, Angliya premyer-ligasidagi chempionlik poygasi haqida fikr bildirdi.

«Futbolda natija hal qiluvchi ahamiyatga ega. Natijaga erishish uchun esa maydonga chiqib, o‘z ishimizni yaxshi bajarishimiz kerak. «MYU»ga qarshi o‘yin menga yoqdi, ammo biz g‘alaba qozona olmadik. Endi bizni yangi o‘yin va 3 ochkoni qo‘lga kiritish uchun yangi imkoniyat kutmoqda.

Umumiy vaziyat haqida to‘xtaladigan bo‘lsam, siz butun mavsumni ideal darajada o‘tkazib, 114ta ochko jamg‘ara olmaysiz. Barcha jamoalar muammolarga duch keladi va ularni bir soatda hal qilib qo‘yish mumkin emas.

Hozir ahvolimizni ideal deb aytib bo‘lmaydi, ammo hech qanday fojia yuz bergani yo‘q», - dedi Klopp.