«Milan» bosh murabbiyi Stefano Pioli Italiya kubogining chorak final bosqichi doirasida «Inter»ga qarshi bo‘lib o‘tgan o‘yin (1:2) borasida o‘z fikrini bildirib o‘tdi.

«Musobaqada g‘olib chiqishni istagandik, afsusdaman. Maydonda bir kishi kam bo‘lib qolganimizdan keyin ahvolimizga og‘irlashdi.

Zlatanning Lukaku bilan mojaroga borgani derbiga ta’sir ko‘rsatdimi? Ta’sir qildi. Chunki birinchi sariq kartochka ikkinchisiga olib keldi. Ular —kap-katta erkaklar, bir-birlariga nimadir deyishdi. Nima deyishganini bilmayman. Zlatan ikkinchi sariq kartochkani raqibni to‘xtatish va jamoaga yordam berish uchun harakat qilgani uchun oldi.

O‘n kishi bo‘lib o‘ynash ancha qiyin bo‘ldi. Boz ustiga, raqibga penalti sovg‘a qildik. Har qanday holatda ham ushbu mag‘lubiyat faqat salbiy hissiyotlarni taqdim qilmadi.

Uchrashuv tengma-teng kechdi, chetlatish o‘yinga ta’sir ko‘rsatdi. Agar tarkib jihatdan teng bo‘lganida, natija boshqacha bo‘lishi mumkin edi», – dedi Pioli.