Menimcha, agar 2-daqiqada «Sautgempton» emas, «Vest Bromvich» yoki «Sheffild» bo‘lganida, hisob bu darajada yirik bo‘lmasdi.

Sababi, bu jamoalar butun tarkib bilan himoyalanishni bilishadi, shunga o‘rganishgan, o‘yin uslubining muhim qismi shu.

«Sautgempton» esa, ko‘proq pressing, maydonning har qismini nazoratga olish yordamida kurashishadi. Bir o‘yinchi kam qolganda esa, buning iloji yo‘q. Butun jamoa bo‘lib himoyalanishga esa, shunchaki, o‘rganishmagan.

«Lids», «Sautgempton» kabi jamoalar agar bir kishi kam qolishsa, butunlay izdan chiqishadi. Qizig‘i, mana shu «Sautgempton» uchun birinchi 0:9 emas. Ikki yil oldin «Lester» xuddi shu hisobda g‘olib chiqishgandi. O‘shanda ham, 12-daqiqada «Sautgempton» bir kishi kam qolgan.

Albatta, «Yunayted»ning ham hizmati katta. Manchesterliklar aynan bo‘sh zonalardan foydalanish bo‘yicha, Yevropada eng yaxshi jamoalardan biridirlar. Ayniqsa, raqib qo‘yi blokda himoyalana olmaydigan va bir kishi kam qolgan bo‘lsa, juda ko‘p bo‘sh zonalar paydo bo‘ladi.

Xullas, mana shu ikki faktor bugungi g‘alati hisobni mantiqan ochiqlaydi.

Qahramon Aslanov.