Angliya terma jamoasi sobiq hujumchisi Gari Lineker Angliya chempionati doirasida bo‘lib o‘tgan «Fulxem» - «Vest Xem» uchrashuvida ro‘y bergan vaziyat borasida o‘z fikrini bildirib o‘tdi.
Mazkur bahsda «bolg‘achilar» futbolchisi Souchek jarima zarbasi amalga oshirish paytida mezbonlar a’zosi Mitrovich bilan jarima maydoni ichida joy uchun kurashda raqibning yuziga bexosdan tirsagi bilan urib yuborgani uchun referi Mayk Din tomonidan maydondan chetlatilgan edi. Hakam VAR yordamida ushbu qarorni qabul qilgan edi.
«VAR hakamlarga yordam bermayapti, aksincha, ularni yomon holatga tushirib qo‘ymoqda», – deya yozdi «Liverpul» sobiq himoyachisi Jeymi Karrager Tvitter orqali.
Gari Lineker esa unga quyidagicha javob berdi:
«Shubhasiz. VARni bekor qilishsa yaxshi bo‘lardi.Tabiiyki, bunday bo‘lmaydi, ammo futbol VAR tufayli yomonlashdi».