«Atletiko» bosh murabbiyi Diyego Simeone Yevrpa chempionlar ligasi nimchorak final bosqichi doirasida «Chelsi»ga qarshi bo‘lib o‘tgan o‘yin (0:1) borasida o‘z fikrini bildirib o‘tdi. Eslatib o‘tamiz, uchrashuv Buxarestda o‘tkazildi.

«O‘yin tugagandan keyin hisobni o‘zgartirib bo‘lmaydi. Shuning uchun ham biz futbolni yaxshi ko‘ramiz. Biz o‘yinni nazorat qila olmadik. «Chelsi» harakatlanishda faol bo‘ldi, ammo biz o‘yin tempini tushira oldik. Ammo raqib jamoa safida Jiru kabi o‘yinchilar bor. Biz to‘p nazorati ustida ishlashimiz kerak.

Har ikki jamoa katta ishni amalga oshirdi. Vaziyatlar ko‘p bo‘lmadi, ammo raqib o‘z imkoniyatini qo‘ldan chiqarmadi. Boshqa paytda o‘yin tengma-teng kechdi. Biz yaxshi himoyalandik, oldinga intildik, oldinda nimadir yaratdik. Ikkinchi taym mutlaqo tengma-teng kechdi.

Agar sentyabr oyida menga biz Chempionlar ligasining nimchorak finalida ishtirok etib, dastlabki o‘yinda kichik hisobda yutqazishimizni aytishganida, men bu variantga rozi bo‘lgan bo‘lardim. Javob uchrashuvi juda qiyin bo‘ladi, ammo Chempionlar ligasining har qanday bahsi haqida shunday deyish mumkin. Biz mazkur egri-bugri yo‘lni bosib o‘tishimiz kerak», — dedi Simeone.

Javob uchrashuvi 17 mart kuni «Stemford Brij» stadionida bo‘lib o‘tadi.