«Атлетико» бош мураббийи Диего Симеоне Еврпа чемпионлар лигаси нимчорак финал босқичи доирасида «Челси»га қарши бўлиб ўтган ўйин (0:1) борасида ўз фикрини билдириб ўтди. Эслатиб ўтамиз, учрашув Бухарестда ўтказилди.

«Ўйин тугагандан кейин ҳисобни ўзгартириб бўлмайди. Шунинг учун ҳам биз футболни яхши кўрамиз. Биз ўйинни назорат қила олмадик. «Челси» ҳаракатланишда фаол бўлди, аммо биз ўйин темпини тушира олдик. Аммо рақиб жамоа сафида Жиру каби ўйинчилар бор. Биз тўп назорати устида ишлашимиз керак.

Ҳар икки жамоа катта ишни амалга оширди. Вазиятлар кўп бўлмади, аммо рақиб ўз имкониятини қўлдан чиқармади. Бошқа пайтда ўйин тенгма-тенг кечди. Биз яхши ҳимояландик, олдинга интилдик, олдинда нимадир яратдик. Иккинчи тайм мутлақо тенгма-тенг кечди.

Агар сентябрь ойида менга биз Чемпионлар лигасининг нимчорак финалида иштирок этиб, дастлабки ўйинда кичик ҳисобда ютқазишимизни айтишганида, мен бу вариантга рози бўлган бўлардим. Жавоб учрашуви жуда қийин бўлади, аммо Чемпионлар лигасининг ҳар қандай баҳси ҳақида шундай дейиш мумкин. Биз мазкур эгри-бугри йўлни босиб ўтишимиз керак», — деди Симеоне.

Жавоб учрашуви 17 март куни «Стэмфорд Бриж» стадионида бўлиб ўтади.