Barchamizga ma’lumki, O‘zbekiston Respublikasi Prezidentining “O‘zbekistonda futbolni rivojlantirishni mutlaqo yangi bosqichga olib chiqish chora-tadbirlari to‘g‘risida”gi farmonida futbol sohasida bevosita faoliyat olib boradigan shaxslar tomonidan totalizator o‘ynash, o‘yinga yoki uning natijasiga ta’sir o‘tkazish maqsadida kelishilgan o‘yinlar uyushtirish, ularda ishtirok etish jinoiy va ma’muriy javobgarlikka tortilishi masalasiga alohida urg‘u berilgan.

Shu boisdan 2021 yilgi futbol mavsumi starti oldidan kelishilgan o‘yinlarga qarshi kurash mavzusida tushuntirish ishlari olib borilmoqda.

Xususan, O‘FA ishchi guruhi bugun Qoraqolpog‘iston Respublikasiga tashrif buyurib, futbolchi va murabbiylar hamda futbol hakamlari, nazoratchilar va futbolga aloqador mutaxassislar bilan davra suhbati tashkil etdi.

Shuningdek, ishchi guruh «Turon» stadioni va akademiya maydonidagi mavjud imkoniyatlar bilan yaqindan tanishdi. O‘FA vakillari futzal bo‘yicha 2006 yillar o‘rtasida bo‘lib o‘tayotgan mamlakat chempionatida ham mehmon bo‘ldi.