Braziliya terma jamoasi safida 1958 yilgi Jahon Chempionati g‘olibi Joze Altafini «Yuventus» hujumchisi Krishtianu Ronaldu va Peleni o‘zaro solishtirdi.

«Qiziq, bu reytinglarni kimlar o‘ylab topadi, bu kulguli! Ronaldu hech kimni quvib o‘tmadi, Pele rasmiy o‘yinlarda 1225 ta gol urgan. O‘rtoqlik o‘yinlarida yoki boshqa qandaydir bahslarda emas. Bu rekordlar kimgadir yoqish uchun yoziladi.

Ronaldu Peleni quvib o‘tmadi va hech qachon o‘tib keta olmaydi! Ronaldu hech qachon Pelening darajasiga chiqa olmaydi.» — dedi Joze Altafini.

36 yoshli Ronaldu A Seriyaning 2020/21 yilgi mavsumida 21 ta o‘yin o‘tkazib, 20 ta golga muallif bo‘ldi. Umumiy miqdorda Ronaldu joriy mavsumdagi 30 o‘yinda 27 ta gol urdi va uchta golli uzatma amalga oshirdi.

Avvalroq ayrim OAVda Ronaldu rasmiy o‘yinlardagi gollari soni bo‘yicha Peledan (757) o‘zib ketgani haqida aytilgandi.