«As-Sadd» klubi Qatar chempionatining 18-turi doirasida «Umm-Salal» klubi mehmoni bo‘lib, 3:0 hisobida g‘alaba qozondi.

Ushu g‘alabadan so‘ng dohaliklar o‘z ochkolarini 50taga yetkazib, mavsum tugashiga 4 tur qolganida Qatar chempionligini qo‘lga kiritishdi. Xavi jamoasi joriy mavsumda hali mag‘lubiyatga uchrashmadi: 16ta g‘alaba va 2ta durang. To‘plar farqi — 69:12.

Xavi uchun mazkur chempionlik murabbiylik faoliyatidagi oltinchisi bo‘ldi. 2019 yildan buyon "As-Sadd"ni boshqarayotgan mutaxassis Valiahd kubogi (2), Qatar chempionati (2), Qatar Amiri kubogi va shayx Jassim kubogini qo‘lga kiritgan edi.