Maurisio Sarri va uning «Yuventus»dagi sobiq yordamchilari 2021 yil yozigacha klubdan 17 million yevrodan ko‘proq maosh olishadi.

Turin klubining sobiq bosh murabbiy va uning shtabi oldidagi majburiyatlari 15.457 million yevroni tashkil qiladi.

Bu miqdor esa Maurisioning shartnomasi tugaguniga qadar, ya’ni 2021 yil iyunigacha to‘lab berilishi kerak. Shu bilan birga, Sarrining shaxsan o‘zi ham klubdan 1,788 million yevro pul olishi kerak.

Shunday qilib, «Yuventus» murabbiy va yordamchilariga 17,335 million yevro to‘laydi. Ular klubda bir yil ishlagan.