La Gazzetta dello Sport nashrining xabariga ko‘ra, Serbiya va Portugaliya terma jamoalari o‘rtasida kechgan Belgraddagi o‘yin paytida Krishtianu Ronaldu g‘azab bilan yerga uloqtirgan sardorlik bog‘ichi Serbiyadagi xayriya auksionida 7,5 million dinorga (63,8 ming yevro) sotildi. Mazkur ma’lumotlar juma kuni xayriya auksionining onlayn portali tomonidan e’lon qilindi.
Ma’lum bo‘lishicha, auksion yopilishidan oldin so‘nggi daqiqalarda bog‘ich uchun kurash yanada kuchaygan. Narx 6 million dinordan 7 million 500 ming 10 dinorgacha ko‘tarildi, ammo so‘nggi soniyalarda MozzartBet login ostida qatnashgan ishtirokchi kim oshdi savdosida kamida 10 dinor bilan raqiblarini ortda qoldirdi.
Oldinroq auksionda sardorlik bog‘ichi uchun narxlar aql bovar qilmaydigan darajada 1 milliard 280 million dinorga (10,8 million yevro) ko‘tarilgan edi, ammo ishtirokchilarning fikriga ko‘ra, takliflar to‘lovga qodir emasligi aniqlandi. «Ushbu mablag‘ bemor bolani davolashga sarflanadi», deyishdi tashkilotchilar.
