Italiyaning Tuttosport nashri xabar berishicha, "Yuventus" jamoasi yozda shartnomasi tugaydigan darvozabonni o‘z tarkibida saqlab qolmoqchi. 43 yoshli futbolchining o‘zi ham Turin jamoasida o‘ynashni davom ettirishga qarshi emas.

Buffon joriy mavsum A Seriyada oltita o‘yin o‘tkazdi va uch marta darvozasidan to‘p o‘tkazib yubordi.

Avvalroq ko‘proq o‘yin amaliyoti uchun Janlujji "keksa sinyora" jamoasini tark etishi mumkinligi haqida xabarlar chiqqan edi. Shuningdek, darvozabonning xizmatlaridan "Atalanta" va "Napoli" foydalanmoqchiligi haqida  xabarlar e’lon qilingan edi.