Италиянинг Туттоспорт нашри хабар беришича, "Ювентус" жамоаси ёзда шартномаси тугайдиган дарвозабонни ўз таркибида сақлаб қолмоқчи. 43 ёшли футболчининг ўзи ҳам Турин жамоасида ўйнашни давом эттиришга қарши эмас.

Буффон жорий мавсум А Серияда олтита ўйин ўтказди ва уч марта дарвозасидан тўп ўтказиб юборди.

Аввалроқ кўпроқ ўйин амалиёти учун Жанлужжи "кекса синёра" жамоасини тарк этиши мумкинлиги ҳақида хабарлар чиққан эди. Шунингдек, дарвозабоннинг хизматларидан "Аталанта" ва "Наполи" фойдаланмоқчилиги ҳақида  хабарлар эълон қилинган эди.