«Yuventus» ustozi Andrea Pirlo hujumchi Krishtianu Ronalduning xatti-harakatlariga izoh berdi.
«Men uni jarimaga tortish uchun hech qanday sabab yo‘q deb o‘ylayman. U shunchaki hissiyotli edi, chunki u har bir uchrashuvda gol urishni istaydi.
Bu normal holat. Bunday holat barcha futbolchilarda bo‘ladi. Menimcha, klub hech qanday sanksiyalar qo‘llamaydi», -deydi italiyalik mutaxassis.
Eslatib o‘tamiz, A Seriyaning 30-turidan o‘rin olgan «Jenoa»ga qarshi o‘yin (3:1) tugagandan so‘ng, portugaliyalik yulduz jamoasining libosini maysazorga uloqtirdi.
36 yoshli hujumchi formani to‘plarga xizmat ko‘rsatadigan bolakayga berishni va’da qilgani uchun maydonda qoldirgan degan versiya mavjud.
Ma’lumot uchun, ushbu mavsumda Ronaldu «Yuventus» tarkibida 37 o‘yinda 32 gol urdi va 4 assist amalga oshirdi.
