«Ювентус» устози Андреа Пирло ҳужумчи Криштиану Роналдунинг хатти-ҳаракатларига изоҳ берди.
«Мен уни жаримага тортиш учун ҳеч қандай сабаб йўқ деб ўйлайман. У шунчаки ҳиссиётли эди, чунки у ҳар бир учрашувда гол уришни истайди.
Бу нормал ҳолат. Бундай ҳолат барча футболчиларда бўлади. Менимча, клуб ҳеч қандай санкциялар қўлламайди», -дейди италиялик мутахассис.
Эслатиб ўтамиз, А Сериянинг 30-туридан ўрин олган «Женоа»га қарши ўйин (3:1) тугагандан сўнг, португалиялик юлдуз жамоасининг либосини майсазорга улоқтирди.
36 ёшли ҳужумчи формани тўпларга хизмат кўрсатадиган болакайга беришни ваъда қилгани учун майдонда қолдирган деган версия мавжуд.
Маълумот учун, ушбу мавсумда Роналду «Ювентус» таркибида 37 ўйинда 32 гол урди ва 4 ассист амалга оширди.
