Португалия терма жамоаси етакчиси Криштиану Роналду 2026 йилги жаҳон чемпионати гуруҳ босқичи 2-турида Ўзбекистонга қарши бўлиб ўтадиган учрашув арафасида ижтимоий тармоқлардаги саҳифаси орқали мухлисларга мурожаат қилди.
Португалиялик юлдуз машғулот жараёнидан бир нечта суратларни жойлаштириб, қисқача изоҳ қолдирди.
«Ўз вазифамизга тўлиқ эътибор қаратганмиз», — деб ёзди Роналду Instagram саҳифасида.
Эслатиб ўтамиз, Португалия — Ўзбекистон учрашуви 23 июнь куни бўлиб ўтади. Баҳс Тошкент вақти билан соат 22:00 да старт олади.
Гуруҳ босқичининг биринчи турида Португалия кутилмаганда Конго ДР билан 1:1 ҳисобида дуранг ўйнаган эди. Фабио Каннаваро бошқараётган Ўзбекистон терма жамоаси эса Колумбияга 1:3 ҳисобида мағлуб бўлган.













