Аргентина терма жамоаси ярим ҳимоячиси Энцо Фернандес Испания терма жамоаси бош мураббийи Луис де ла Фуэнтенинг баёнотига изоҳ берди.
«Қизил фурия» бошқарувчиси ўз жамоаси ярим ҳимоя чизиғини «дунёдаги энг кучлиси, бошқалардан анча устун» деб билишини тан олган эди.
«Бу шунчаки фикр. Мен баҳсларга киришмоқчи эмасман. Испания ярим ҳимояси дунёдаги энг кучлиларидан бири, чунки у ерда ажойиб ўйинчилар тўп суради. Ким яхшироқ ёки ким ёмонроқ экани ҳақида гапирадиган бўлсак, бу майдонда ҳал бўлади», – дея Энцо Фернандеснинг сўзларини келтиради AlbicelesteTalk.
Аргентина терма жамоаси бугун ўз учрашувини ўтказади — рақиб Австрия бўлади. Учрашув Тошкент вақти билан 22:00да бошланади.
