«Liverpul» bosh murabbiyi Yurgen Klopp Superliga loyihasi va Chempionlar Ligasining yangi formati haqida fikr bildirdi.

“Superliga haqida yaxshi narsa aytdingiz? Uni yaratilmaganligi yaxshi. Futbolchilar, murabbiylar va muxlislarning fikri hech qachon inobatga olinmaydi. UYEFA bizdan so‘ramadi, Superliga rahbariyati ham biz bilan aloqa o‘rnatmadi.

Superliganing taqvim jadvalida ko‘rinmasligidan xursandman, ammo Chempionlar Ligasining yangi formati unchalik yaxshi emas. UYEFA menga bu g‘oyani ko‘rsatdi va men buni yoqtirmadim deb javob berdim. Biz oltita o‘yin o‘rniga 10 ta o‘yin o‘tkazamiz. Ularni taqvimga qanday kiritish haqida tasavvurim yo‘q.

Chempionlar Ligasining yangi formatining sababi nimada? Pul", - deya murabbiyning so‘zlarini keltiradi Liverpool Echo.

Ma’lumot uchun, Chempionlar Ligasi guruh bosqichining yangi formatida hozirda o‘ynayotgan 32ta o‘rniga 36ta jamoa ishtirok etishi rejalashtirilgan. Islohotga ko‘ra, guruhlarga bo‘linish o‘rniga bitta liga tuziladi. Eng yaxshi sakkizta jamoa pley-off bosqichiga yo‘l oladi, qolgan klublar esa yangi pley-off bosqichidan o‘tishadi.