Turinning «Yuventus» klubi rahbariyati bosh murabbiy Andrea Pirloni qoniqarsiz natijalariga qaramay jamoada olib qolishi mumkin.

Faqat buning uchun «keksa sinyora» kelasi mavsum uchun Chempionlar ligasi yo‘llanmasini qo‘lga kiritishi talab etiladi. Bu haqda klub sport direktori Fabio Paratichi ta’kidlab o‘tdi.

Andrea o‘z lavozimida qolishi uchun ushbu shartni bajarishi kerak. Ayni dam rahbariyat boshqa nomzod haqida o‘ylamayapti.

Hozirda «Yuventus» turnir jadvalida 4-o‘rinni band etgan. 5-pog‘onadagi «Napoli» esa bor yo‘g‘i 3 ochko bilan ortda bormoqda.