«Bavariya» hujumchisi Robert Levandovski ushbu yozgi transferlar oynasida klubini o‘zgartirishi mumkin.
Futbolchiga «Real» qiziqmoqda. O‘yinchining agenti Pini Zahavi polshalikning transferiga qiziqayotgan bir qancha klublar bilan muloqot qilmoqda.
«Bavariya» koronavirus pandemiyasi oqibatida yuzaga kelgan moliyaviy qiyinchilikdan chiqish maqsadida 32 yoshli forvardni qo‘yib yuborishi mumkin. Transfer summasi 60 mlnn yevro bo‘lishi mumkin, deya yozmoqda Sky Sport Deutschland.
Bir necha kun oldin, «Bavariya» Levandovskining transferi borasida Yevropaning top-klublaridan taklif olgani haqida ma’lumot berilgandi.
Levandovski bir necha bor «Real» safiga qo‘shilishga yaqin kelgan. 2014 yilda Ispaniya klubi futbolchining agentiga taklif yuborgan edi.
«Real» prezidenti Florentino Peres 2012/2013 yilgi mavsumdagi «Borussiya»ga qarshi o‘yindan (4:1) keyin Levandovskiga muxlislik qila boshlagan. O‘shanda polshalik pokerga erishgandi.
Joriy mavsum strayker Bundesliganing 26 o‘yinida 36 gol va 6 assist qayd etgan.
