«Бавария» ҳужумчиси Роберт Левандовски ушбу ёзги трансферлар ойнасида клубини ўзгартириши мумкин.

Футболчига «Реал» қизиқмоқда. Ўйинчининг агенти Пини Заҳави польшаликнинг трансферига қизиқаётган бир қанча клублар билан мулоқот қилмоқда.

«Бавария» коронавирус пандемияси оқибатида юзага келган молиявий қийинчиликдан чиқиш мақсадида 32 ёшли форвардни қўйиб юбориши мумкин. Трансфер суммаси 60 млнн евро бўлиши мумкин, дея ёзмоқда Sky Sport Deutschland.

Бир неча кун олдин, «Бавария» Левандовскининг трансфери борасида Европанинг топ-клубларидан таклиф олгани ҳақида маълумот берилганди.

Левандовски бир неча бор «Реал» сафига қўшилишга яқин келган. 2014 йилда Испания клуби футболчининг агентига таклиф юборган эди.

«Реал» президенти Флорентино Перес 2012/2013 йилги мавсумдаги «Боруссия»га қарши ўйиндан (4:1) кейин Левандовскига мухлислик қила бошлаган. Ўшанда польшалик покерга эришганди.

Жорий мавсум страйкер Бундеслиганинг 26 ўйинида 36 гол ва 6 ассист қайд этган.