Italiya chempionatining 34-turi doirasida «Inter» autsayder «Krotone» maydoniga safar qildi. «Esio Skida» o‘yingohida kechgan bahs mehmonlarning 2:0 hisobidagi ishonchli g‘alabasi bilan yakunlandi. «Neradzurri» tarkibida gollarga Eriksen va Hakimilar mualliflik qilishdi.
Shu tariqa peshqadam «Inter» buning baxsdan so‘ng, 82 ochko jamg‘arib, eng yaqin ta’qibchisi «Atalanta»ni 14 ochkoga ortda qoldirmoqda. Agar Bergamo klubi ertaga, 2 may kuni «Sassuolo»ni mag‘lub eta olmasa, Konte jamoasi chempionlikni rasmiylashtiradi.
A Seriya, 34-tur
«Krotone» — «Inter». 0:2(0:0,2:0)
«Esio Skida»
Gollar: Eriksen (69), Hakimi (90+3).
«Krotone» – Kordas, Magalyan, Golemich, Jiji, Resa (Pedru Pereyra, 38), Benali (Vulich, 66), Chigarini (Eduardo Enrike, 46), Unas (Rivyer, 72), Molina, Junior Messias, Nvankvo.
«Inter» – Handanovich, Hakimi, de Vrey, Bastoni, Darmian (Perishich, 66), Barella, Sensi (Eriksen, 65), Brozovich, Shkrinyar, Martines (Sanches, 65), Lukaku.
Ogohlantirishlar: Brozovich (38), Rivyer (73), Eriksen (90+1).
