Xabaringiz bor, "Barselona" ustozi Ronald Kuman "Granada" bilan bahsda hakam bilan tortishgani uchun diskvalifikasiyaga uchragan edi. Niderlandiyalik mutaxassis shu haqda to‘xtaldi.
"Apellyasiya tayyorlash niyatim bor, chunki jazo haddan tashqari ortiqcha. Agar hakamlar haqiqatan ham haqorat qilinsa, u holda aybdor 20 o‘yinga diskvalifikasiya qilinadi. Men jarimani qoralayman.
"Valensiya"ga qarshi o‘yinda men zaxira o‘rindig‘ida bo‘lmayman. Biz buni muhokama qilib oldik, murabbiylar shtabimiz ahil", – deydi Kuman.
Eslatib o‘tamiz, murabbiy zaxira hakamini haqorat qilgani bois ikki o‘yinga chetlatilgandi.
