Хабарингиз бор, "Барселона" устози Рональд Куман "Гранада" билан баҳсда ҳакам билан тортишгани учун дисквалификацияга учраган эди. Нидерландиялик мутахассис шу ҳақда тўхталди.
"Апелляция тайёрлаш ниятим бор, чунки жазо ҳаддан ташқари ортиқча. Агар ҳакамлар ҳақиқатан ҳам ҳақорат қилинса, у ҳолда айбдор 20 ўйинга дисквалификация қилинади. Мен жаримани қоралайман.
"Валенсия"га қарши ўйинда мен захира ўриндиғида бўлмайман. Биз буни муҳокама қилиб олдик, мураббийлар штабимиз аҳил", – дейди Куман.
Эслатиб ўтамиз, мураббий захира ҳакамини ҳақорат қилгани боис икки ўйинга четлатилганди.
