Лондоннинг «Челси» клуби «Барселона» марказий ҳимоячиси Пау Кубарси трансфери бўйича ҳаракат бошлади. Бу ҳақда El Nacional нашри хабар тарқатмоқда.
Манба берган хабарга кўра, «аристократлар» 19 ёшли футболчи учун каталонияликларга 80 миллион евролик расмий таклиф билан чиқишган, бироқ «кўк-анорранглилар» бу таклифни рад этган. Лондонликлар бош мураббийи Хаби Алонсо жамоа мудофаа чизиғини кучайтиришни мақсад қилган ва Кубарсини ёзги трансфер ойнаси учун асосий мақсад этиб белгилаган. Бироқ «Барселона» ўз тарбияланувчисини дахлсиз деб ҳисоблайди ва уни сотиш бўйича ҳеч қандай музокара олиб бормоқчи эмас.
Маълумот учун, якунланган мавсумда Пау Кубарси каталонияликлар сафинда барча турнирлар доирасида 48 та учрашувда майдонга тушиб, ўз ҳисобига битта гол ёздириб қўйган. Унинг клуб билан амалдаги шартномаси 2029 йилга қадар мўлжалланган.
