La Ligada mavsum tugashiga to‘rt tur qolganida "Real" juda yaxshi holatga ega bo‘lib turibdi. To‘rtta g‘alaba chempionlikni kafolatlashi mumkin. Jamoa bosh murabbiyi Zinedin Zidan "Osasuna" bilan o‘yindan so‘ng jamoaning holati haqida gapirdi.

Biz yaxshi g‘alabaga erishdik va bundan juda xursandmiz. Birinchi bo‘limda bizda beshta imkoniyat bor edi, ammo gol urolmadik. Tanaffus paytida yigitlarga maqsad amalga oshishi kerakligini aytdim. Bunday paytlarda siz sabr-toqatli bo‘lishingiz kerak. Bu o‘yinda biz juda muhim bo‘lgan navbatdagi uch ochkoni qo‘lga kiritdik.

Biz oxirigacha kurashamiz va biz buni qila olamiz. Men ikkita turnirda g‘alaba qozonamiz deb aytayotganim yo‘q, lekin biz bor kuchimiz bilan harakat qilamiz", - deb tushuntirdi Zidan. La Ligadagi navbatdagi o‘yinda jamoa "Sevilya"ga qarshi bahs olib boradi. Bungacha "qaymoqranglilar" Chempionlar Ligasida "Chelsi" bilan ham to‘qnash keladi.