Ла Лигада мавсум тугашига тўрт тур қолганида "Реал" жуда яхши ҳолатга эга бўлиб турибди. Тўртта ғалаба чемпионликни кафолатлаши мумкин. Жамоа бош мураббийи Зинедин Зидан "Осасуна" билан ўйиндан сўнг жамоанинг ҳолати ҳақида гапирди.
Биз яхши ғалабага эришдик ва бундан жуда хурсандмиз. Биринчи бўлимда бизда бешта имконият бор эди, аммо гол уролмадик. Танаффус пайтида йигитларга мақсад амалга ошиши кераклигини айтдим. Бундай пайтларда сиз сабр-тоқатли бўлишингиз керак. Бу ўйинда биз жуда муҳим бўлган навбатдаги уч очкони қўлга киритдик.
Биз охиригача курашамиз ва биз буни қила оламиз. Мен иккита турнирда ғалаба қозонамиз деб айтаётганим йўқ, лекин биз бор кучимиз билан ҳаракат қиламиз", - деб тушунтирди Зидан. Ла Лигадаги навбатдаги ўйинда жамоа "Севиля"га қарши баҳс олиб боради. Бунгача "қаймоқранглилар" Чемпионлар Лигасида "Челси" билан ҳам тўқнаш келади.
