«Real» futbolchilari Zinedin Zidan kelasi mavsumda jamoani boshqarmaydi degan fikrda, deya xabar beradi Goal.

Futbolchilar 48 yoshli fransuzning shartnomasi 2022 yilgacha mo‘ljallanganiga qaramay, uni jamoani tark etishga tayyor deb hisoblashmoqda. Zidan o‘ziga bog‘liq bo‘lmagan voqealar – jarohatlar, taqvim va tanqidlardan charchagan. Chempionlar Ligasi yarimfinalida «Chelsi»dan uchralgan mag‘lubiyatdan so‘ng uning kayfiyati yanada yomonlashgan. 

Shuningdek, Zidan 12 oydan beri davom etayotgan odatiy kun tartibidan, ya’ni koronavirusga qarshi protokollardan zerikkan. 

«Real» rahbariyati murabbiy shartnomasining oxirigacha ishlashiga umid qilmoqda. Ammo Madrid klubi direktorlar kengashi Zidanning har qanday qarorini hurmat qiladi.