"Sevilya" bosh murabbiyi Xulen Lopetegi Ispaniya chempionatining 35-tur doirasida "Real"ga qarshi o‘yin oldidan fikrlari bilan o‘rtoqlashdi.

"Ko‘p gapirish kerak emas. Ular haqida Zidan gapiradi. Uning mahoratiga shubha qilish mumkin emas. Zidan - "Real" uchun eng zo‘r murabbiy.

"Sevilya" turnir jadvalida yuqori o‘rinni egallab turibdi, chunki biz yilni juda yaxshi o‘tkazdik. Biz har bir uchrashuvda g‘alaba uchun kurashamiz va o‘z holatimizni yaxshilashga harakat qilamiz.

Uch o‘yindan beri biz "Real"ni mag‘lub eta olmayapmiz. Ular biz bilan juda muvozanatli uchrashuvlar o‘tkazdilar va g‘alaba qozonishadi. Bugun yana bir o‘yin o‘tkazamiz. Biz orqaga qaramaymiz. Menimcha, endi shu an’anaga chek qo‘yamiz", - deya Lopetegi so‘zlarini keltirdi Marca.

Ushbu mavsumda "Sevilya" Ispaniya chempionati turnir jadvalida 70 ochko bilan 4-o‘rinni egallab turibdi. Jamoa birinchi o‘rindagi "Atletiko"dan olti ochkoga ortda qolmoqda.

"Real" - "Sevilya" uchrashuvi  9-may kuni Toshkent vaqti bilan 22:00da bo‘lib o‘tadi.