Futbol bo‘yicha Qozog‘iston Premer Ligasi 10-turi doirasida “Aktobe” 9-may, yakshanba kuni safarda “Jetisu” bilan bahs yuritdi.
Bellashuv “Aktobe”ning yirik 5:1 hisobidagi g‘alabasi bilan yakunlandi. Aktobeliklar safida to‘p suradigan o‘zbekistonlik hujumchi Igor Sergeev mazkur bahsda het-trikka erishdi. Igor dastlabki golini birinchi bo‘limda, hisob 1:1 bo‘lib turgan vaqtda kiritdi va jamoasini oldinga olib chiqdi. Keyingi ikki gol esa 71 va 74-daqiqalarga to‘g‘ri keldi. E’tiborlisi, 28 yoshli futbolchi har uchala golini boshi darvozaga joylab qo‘ydi.
Ushbu g‘alabadan keyin “Aktobe”ning ochkolari soni 12 taga yetdi va 10-o‘ringa ko‘tarildi. “Jetisu” esa 1 ochko bilan so‘nggi o‘rinda bormoqda.
Qozog‘iston chempionati
10-tur
“Jetisu” — “Aktobe” 1:5
Gollar: 1:0 — 7 Ataxanov, 1:1 — 10 Pertsux, 1:2 — 31 Sergeev, 1:3 — 62 Dubayich, 1:4 — 71 Sergeev, 1:5 — 74 Sergeev.
