Футбол бўйича Қозоғистон Премер Лигаси 10-тури доирасида “Актобе” 9-май, якшанба куни сафарда “Жетису” билан баҳс юритди.
Беллашув “Актобе”нинг йирик 5:1 ҳисобидаги ғалабаси билан якунланди. Актобеликлар сафида тўп сурадиган ўзбекистонлик ҳужумчи Игор Сергеев мазкур баҳсда ҳет-трикка эришди. Игор дастлабки голини биринчи бўлимда, ҳисоб 1:1 бўлиб турган вақтда киритди ва жамоасини олдинга олиб чиқди. Кейинги икки гол эса 71 ва 74-дақиқаларга тўғри келди. Эътиборлиси, 28 ёшли футболчи ҳар учала голини боши дарвозага жойлаб қўйди.
Ушбу ғалабадан кейин “Актобе”нинг очколари сони 12 тага етди ва 10-ўринга кўтарилди. “Жетису” эса 1 очко билан сўнгги ўринда бормоқда.
Қозоғистон чемпионати
10-тур
“Жетису” — “Актобе” 1:5
Голлар: 1:0 — 7 Атаханов, 1:1 — 10 Пертсух, 1:2 — 31 Сергеев, 1:3 — 62 Дубайич, 1:4 — 71 Сергеев, 1:5 — 74 Сергеев.
